Një person ka mbetur i plagosur në rrugën “Lekë Dukagjini” të Prishtinës si pasojë e goditjes me thikë nga një person tjetër.

Rastin për Telegram News e ka konfirmuar zëdhënësja e Policisë për Rajonin e Prishtinës, Flora Ahmeti.

Ahmeti tha se viktima ka pranuar tretman mjekësor ndërsa Policia ka nisur hetimin.

“Sot rreth orës 18:00, kemi marrë informatën për një lëndim trupor të ndodhur në rrugën “Lekë Dukagjini” në Prishtinë. Bazuar në të dhënat fillestare, në këtë rast nga një mjet i mprehtë është lënduar një person. I njëjti është dërguar për trajtim mjekësor, ndërkohë që policia ka nisur një hetim lidhur me rrethanat e këtij rasti”, tha Ahmeti. /TelegramNews/