Është arrestuar një person në Prizren pasi i njëjti më 7 gusht në një aheng ia ka dhënë armën një 10 vjeçarit.

Përmes një njoftimi në Facebook, Policia ka shkruar se në bazë të një videos është parë fëmija duke shtënë me armë në ajër, shkruan Telegram News.

“Me datën 14.08.2024, rreth orës 14:00, është arrestuar një i dyshuar, pasi që i njëjti më datë 07.08.2024 në lagjen Petrova në Prizren, në një gazmend familjar ia ka dhënë armën një fëmijë 10 vjeçar. Në baze të një video-regjistrimi që ka siguruar policia, shihet një djal dhjetëvjeçar duke shtënë në ajër me një pistolete. Pas veprimeve hetimore, hetuesit kane identifikuar fëmijën dhe të dyshimtin që ia ka dhënë armën,”, thuhet në njoftim.

Tutje thuhet se i dyshuari është shoqëruar në Polici ndërkaq është sekuestruar pistoleta me njëzet fishekë.

“Pasi që arma ishte pa leje adekuate nga organet përgjegjëse , prokurori ka urdhëruar sekuestrimin e armës dhe municionit (20 fishek) , ndërsa kundër të dyshuarit është ngrit kallëzim penal për veprën penale “Mbajtja ne pronësi, kontroll ose posedim i paautorizuar i armës””, thuhet në njoftim. /TelegramNews.com.