Tashmë është e ditur se Elseid Hysaj është jashtë planeve të trajnerit të ri të Lazios, Marko Baroni.

Mbrojtësi i cili ka një rrogë prej 2 milionë eurosh në sezon, pritet të vijojë karrierën diku tjetër.

Problemi deri tani është se në klubin bardhekaltër nuk ka mbërritur asnjë ofertë, ndërsa interesim ka pasur vetëm nga Arabia Saudite.

Ndërkohë, siç raportojnë mediat pranë klubit të Lazios, agjenti i mbrojtësit të Kombëtares shqiptare po punon në këtë drejtim, për t’i gjetur Hysajt një sistemim të ri për sezonin që po fillon.

Kujtojmë që Hysaj ka 12 vite që luan në Serinë A, ku më parë ka qenë pjesë e Empolit, Napolit dhe tani Lazios.