Një person është arrestuar sot në Viti për kontrabandim të duhanit gjatë një operacioni të kryer nga oficerët doganorë të autorizuar nga prokuroria.

Në dy lokacione të kontrolluara, janë gjetur 209 kg duhan të grirë dhe 43,000 copë ambalazhe 500 gr për paketim të duhanit, të cilat ishin pa dokumentacion përcjellës.

Këto produkte janë kontrabanduar përmes rrugëve dytësore në Kosovë, duke shmangur taksat doganore në vlerë rreth 8,000.00 Euro. I dyshuari është arrestuar dhe është dërguar në mbajtje për 48 orë, sipas urdhrit të Prokurorit.