47
Ballkani dhe CSKA kanë arritur marrëveshje për transferimin e Lumbardh Dellovës, i cili ka nënshkruar tashmë për klubin e madh bullgar.
Dellova, njëri prej lojtarëve kryesor të Ballkanit në vitet e fundit, kishte vetëm edhe gjashtë muaj kontratë me kampionët e Kosovës, të cilët kanë fituar dukshëm nga shitja e lojtarit.
Ballkani e ka mbyllur marrëveshjen për 350 mijë euro dhe ka mbajtur 10 përqind të kartonit nga shitja e ardhshme.
Një shumë e konsideruar, pasi Dellova kishte vetëm edhe gjashtë muaj kontratë me Ballkanin, dhe mund të largohej si lojtar i lirë në verë.
Mbrojtësi 25-vjeçar ka fituar tre kampionate radhazi me Ballkanin, ndërsa sezonin e fundit fitoi edhe Kupën dhe Superkupën e Kosovës.
