Ministri i Mjedisit, Liburn Aliu dhe zëvendësministri Hysen Durmishi kanë shkruar sot lidhur me punimet në rrugën Mitrovicë-Prishtinë.
Ministri Aliu në një postim në Facebook shkruan se punimet po avancojnë çdo ditë e më shumë.
“Po bëjmë gjithçka për të ofruar të gjithë infrastrukturën e nevojshme për një nga rrugët më të rëndësishme për zhvillimin ekonomik të vendit”, shkruan ai.
Ndërkaq, edhe zëvendësministri, Hysen Durimishi ka thënë se punimet në këtë rrugë po ecin me ritme të shpejta, ku sipas tij, po punohet çdo ditë.
Derisa sipas Durmishit, kjo rrugë ka një rëndësi të veçantë.
“Punimet në rrugën Mitrovicë-Prishtinë, po ecin me ritme të shpejta, ku po punohet çdo ditë. Kjo rrugë ka një rëndësi të veçantë pasi është rrugë e cila përballon një fluks të lartë lëvizjeje, dhe ka rëndësi të veçantë pasi është rrugë që lidh qytete e fshatra të vendin tonë”, shkruan ai.
