Zv.kryeministri i Maqedonisë së Veriut, Izet Mexhiti, tha se po punon në heshtje për lirimin e veteranit të UÇK-së, Blerim Ramadani, i ndaluar nga policia maqedonase bazuar në një urdhërarrest të Serbisë.

Ai theksoi se raste të ngjashme kanë ndodhur edhe gjatë qeverisjes së BDI-së, duke përmendur rastet Dugolli dhe Morina.

Mexhiti shprehu keqardhje për situatën dhe shtoi se po punon çdo ditë larg mediave për një epilog të drejtë.

Reagimi i tij vjen pasi ministri i Brendshëm serb, Ivica Daçiç, kërkoi ekstradimin e Ramadanit për pretendime krimesh lufte.