Ministri i Shëndetësisë, Arben Vitia, ka bërë të ditur se ka nënshkruar një kontratë të re për 16 autoambulanca të reja.
Vitia tha se autoambulancat e reja do të jenë me të gjitha mjetet dhe kushtet e nevojshme për pacientët në nevojë për trajtim emergjent.
“Kam nënshkruar kontratën për 16 autoambulanca të reja, me të gjitha mjetet dhe kushtet e nevojshme për pacientët në nevojë për trajtim emergjent, të cilat do të shpërndahen nëpër komuna, duke mbuluar çdo vend të Republikës”, shkroi Vitia.
Më tej, Vitia tha se gjatë dy viteve të fundit kanë furnizuar ShSKUK-në, QKUK-në dhe spitalet rajonale me 17 autoambulanca të tipit “Advance Life Support”.
Ai tha se katër autoambulancat e fundit nga kjo kontratë kanë mbërritur dhe do të shpërndahen së shpejti.
