Ministrja e Arsimit, Arbërie Nagavci ka uruar nxënësit, prindërit, mësimdhënësit, udhëheqësit e shkollave e zyrtarët komunal për fillimin e vitit të ri shkollor.
Nagavci në Facebook ka uruar në veçanti fatosat të cilët për herë të parë ulen në bankat shkollore.
“Urime dita e parë e vitit shkollor. Një urim i veçantë për fatosat që për herë të parë ulen në bankat shkollore. Sot fillon një kapitull i ri për nxënësit tanë, shumë mundësi e përvoja të reja! Jam besimplotë për një vit motivues, frymëzues e punë me përkushtim nga mësimdhënësit, andaj dhe plot suksese për nxënësit tanë”, ka shkruar Nagavci.
Derisa ka theksuar se me punë e përkushtim do të arrijmë misionin për një arsim cilësor.
“Me punë e përkushtim do të realizojmë misionin tonë për një arsim cilësor. Në bashkëpunim me shkollat, prindërit, mësimdhënësit suksesi do të jetë i garantuar. Qoftë një vit i mbarë!”, ka shkruar më tej ministrja.
Ndryshe, sot në Republikën e Kosovës ka filluar viti i ri shkollor 2024-2025./TelegramNews./
