Një nga lajmet më të papritura të kësaj së marte është edhe oferta e çmendur për Vinicius Junior nga Arabia Saudite.

Siç raportohet nga Marca, braziliani ka marrë ofertë marramandëse nga Al-Ahli.

Raporti shton se skuadra arabe i ka ofruar atij një kontratë pesëvjeçare e cila kap shifrën e 1 miliard euro.

350 milionë euro – brenda vitit

29,16 milionë euro – në muaj

6.7 milionë euro – në javë

961 mijë euro – në ditë

40 mijë euro – në orë dhe

667 euro – në minutë

Mirëpo, ani pse është raportuar se dy palët janë në bisedime, duket se Real Madridi nuk është e interesuar – së paku këto ditë.

E krejt kjo pasi ata janë të fokusuar në ndeshjen e Superkupës së Evropës, nesër ndaj Atalantas.

Ndryshe, mënyra e vetme se si skuadra arabe do të mund të kompletonte transferimin e Vinicius, do të ishte nëse aktivizon klauzolën e tij të lirimit, e cila aktualisht kap shifrën e plotë 1 miliard euro.