Egzon Pacolli, sekretar i përgjithshëm i Forumit të Rinisë së LDK-së, ka publikuar një video, përmes së cilës tregon për shkeljet në Ministrinë e Bujqësisë, që udhëhiqet nga ana e Faton Pecit.

Në video, Pacolli thotë se vëllai i Fitore Pacollit, deputete e VV-së, Blerimi, ka përfituar grant prej 100 mijë eurosh nga Ministria e Pecit.

Për këtë ka reaguar anëtari i kryesisë së AAK-sw, Daut Haradinaj. Ai tha se është tepër shqetësues “guximi i ministrave që në formën më brutale po e shkatërrojnë buxhetin e taksapaguasve.”

“Brenda një jave hapë biznes dhe përfiton mijëra euro me lidhje të shkurtëra, Ministër-Deputet. Kjo thjesht i bie që 588 rroga të veteranëve t’i jepen një familjari të VV-së.”, ka shkruar Haradinaj.