Gazetari Valon Syla ka komentuar kundërshtimin që ministri i Infrastrukturës ia ka bërë shefit të tij Albin Kurti për shkak të inkuadrimit në zgjedhjet e Luginës së Preshevës duke mbështetur vetëm një subjekt politik.

Në “Pressing” të T7, Syla, tha të martën, se Liburn Aliu më kurrë nuk do të jetë ministër i Qeverisë së Albin Kurtit.

Madje, ai ka thënë se njerëzit e PSD-së thonë se “Albin Kurti e ka dërguar Hysen Durmishin ministër për ta kontrolluar Aliun”.

“Liburni ka nis me marrë erë që më kurrë ministër i Qeverisë Albin Kurti më nuk bëhet, kjo është hera e fundit. Kur i pyet këta PSD se këta njihen mirë mes vete, këta thonë se Hysen Durmishin Albin Kurti ia ka çu Liburnit me kqyr çka po bon”.

“Nuk është që më herët nuk ka pasur konflikt të Liburn Aliut me Hysen Durmishin, ka pasur edhe fjalosje”, ka thënë Syla.