Ekspertët kanë zbuluar tre mënyra se si mund të ndihmoni në rritjen e imunitetit tuaj natyror ndaj sëmundjeve – dhe është shumë më e lehtë nga sa mund të prisni.

Ndihmon gjithashtu në luftën kundër ndryshimeve që shkaktojnë sëmundje në trup, siç janë qelizat kancerogjene, dhe njeh substancat e dëmshme rreth nesh.

Sistemi imunitar, megjithatë, mund të dobësohet ndërsa plakemi, gjë që kontribuon në një rritje të infeksioneve dhe sëmundjeve ndërsa plakemi.

Sidoqoftë, ekspertet kanë ndarë tre sugjerime që mund të ndihmojnë në inkurajimin e imunitetit natyror të trupit tuaj.

Hani arra

Arrat janë burim i folatit, vitaminës B6 dhe bakrit, si dhe burim hekuri dhe zinku. Të gjitha këto kontribuojnë në imunitetin natyror të trupit, raporton Woman’s Weekly.

Dr Robert Shmerling, nga Shkolla Mjekësore Havard, thotë se vajrat në arrat ndihmojnë shëndetin kardiovaskular të trupit.

Arrat janë gjithashtu një komponent kyç i dietës mesdhetare, e cila thuhet se çon në përmirësimin e shëndetit më vonë në jetë, thotë ai.

Flini

Trupi juaj funksionon më mirë me gjumë të mjaftueshëm. Ka përfitime të shëndetit fizik dhe mendor.

Gjumi luan një rol të rëndësishëm në rikuperimin e trurit dhe trupit tuaj nga dita.

Autoritetet shëndetësore britanike thonë se duhet të bëjmë prej shtatë deri në nëntë orë gjumë, derisa fëmijët duhet të bëjnë gjumë nga nëntë deri në 13 orë në natë.

Konsumoni produkte bimore

Echinacea është produkt bimor i pasur me antioksidantë dhe përdoret tradicionalisht në luftën kundër infeksioneve dhe viruseve.

Mund të blihet në formën e tabletave, tinkturave, ekstrakteve dhe çajrave.