Deputeti i Listës “Guxo”, Ekrem Mustafa, e ka pranuar se në subjektin e tij politik ka moskoordinim.

Ai ka vlerësuar se dy udhëheqësit e këtij subjekti politik Donika Gërvalla dhe Faton Peci ndonjëherë nuk ia qëllojnë.

Në një prononcim për “Front Online”, ai ka thënë se këto mospajtime nuk janë përplasje.

“Nuk mund të them që ka përplasje, por mosdakoordim ka, sepse dikush mendon ndryshe e dikush jo”, është shprehur Mustafa.

Sipas tij, Gërvalla dhe Peci kanë qëllimet e veta.

“Secili i sheh edhe interesat e veta. Edhe liderët politik i kanë qëllimet e veta. Edhe Peci edhe Gërvalla mendojnë të bëjnë më të mirën, por nganjëherë nuk mund të ia qëllojnë. Qasja ndryshon me kohë dhe nuk mund të jetë çdo herë njëjtë”, ka deklaruar Mustafa.