Pasi hyri si favorit në luftën e tij kundër Daniel Dubois, ish-kampioni dy herë i unifikuar botëror i peshave të rënda, Anthony Joshua u ndal në mënyrë brutale. Ishte një paraqitje mahnitëse nga Dubois, kampioni aktual botëror i IBF-së në peshën e rëndë, pasi ai dominoi Joshua-n në një mënyrë që asnjë boksier i mëparshëm nuk ka mundur ta bëjë.

Në një fitore të merituar, Dubois tregoi se nuk duhej nënvlerësuar, ndër për Joshuan pyetja është nëse do të jetë ky fundi i rrugës për fituesin e medaljes së artë olimpike?

Lajmet e fundit që dalin për Joshua-n ka të ngjarë të mos jenë ato që ai dëshiron të dëgjojë tani. Kjo për shkak se Bordi Britanik i Kontrollit të Boksit i ka dhënë një pezullim 28 ditësh Anthony Joshua-s.

Përpara se dikush të bjerë në panik, kjo është një procedurë mjaft standarde për boksierët britanikë kur ata pësojnë një disfatë. Ky rregull ekziston kryesisht për sigurinë e boksierëve.

Boksierët përballen me ekzaminime të mëtejshme mjekësore përpara se të mund të rihyjnë në ring dhe kjo është ajo që po ndodh me Anthony Joshuan në këtë moment./kp