Studentët protestues të Bangladeshit kërkojnë shpërbërjen e parlamentit dhe se paralajmërojnë një program të rreptë.
Udhëheqësit studentorë protestues të Bangladeshit kërkuan të martën që parlamenti të shpërndahej dhe paralajmëruan se do të nisë një “program i rreptë” nëse nuk respektohet afati i tyre, një ditë pasi kryeministri Sheikh Hasina dha dorëheqjen dhe u largua nga vendi.
Drejtuesit e studentëve në një video në Facebook thanë se parlamenti duhet të shpërndahet deri në orën 15:00.
Koordinatorët e lëvizjes së protestës studentore të Bangladeshit kishin planifikuar të takoheshin me shefin e ushtrisë, gjeneralin Waker-Uz-Zaman, të martën, pasi ushtria njoftoi se do të formonte një qeveri të përkohshme pas dorëheqjes së Sheikh Hasina si kryeministër.
Të hënën, kryeministrja Hasina dha dorëheqje dhe u largua nga Bangladeshi pasi qindra njerëz u vranë në një goditje ndaj demonstratave që filluan si protesta studentore kundër kuotave preferenciale të punës dhe u shndërruan në një lëvizje që kërkonte rrëzimin e saj.
Gjenerali Zaman tha se ai kishte zhvilluar bisedime me liderët e partive të mëdha politike “duke përjashtuar Ligën Awami të Hasina-s” për të diskutuar rrugën përpara dhe do të zhvillonte bisedime me presidentin, Mohammed Shahabuddin.
Një qeveri e përkohshme do të mbajë zgjedhje sa më shpejt të jetë e mundur pas konsultimit me të gjitha partitë dhe palët e interesuara, ka deklaruar presidenti në një fjalim televiziv të hënën vonë.
Protestat e fundit të udhëhequra nga studentët filluan për shkak të një sistemi kuotash për punësim që ata thanë se ju ndanë në mënyrë disproporcionale pasardhësve të luftëtarëve të lirisë nga lufta e pavarësisë e vitit 1971.
Protestat dhe shtypja e fundit çuan në dhunën më të keqe që nga themelimi i Bangladeshit më shumë se pesë dekada më parë. Gjatë një konference në selinë e ushtrisë, gjenerali Zaman premtoi një hetim për vdekjet e fundit./rtk
