Qeveria e SHBA-së i ka thënë Izraelit se beson që një përshkallëzim ushtarak përgjatë kufirit me Libanin do të ishte në kundërshtim me interesat e tij, sipas zëdhënësit të sigurisë kombëtare të Shtëpisë së Bardhë, John Kirby.

Duke folur në programin “This Week” të ABC-së të dielën në mëngjes, Kirby tha se rritja e fundit e luftimeve “nënvizon për ne sa e rëndësishme është të përpiqemi të gjejmë një zgjidhje diplomatike.”

“Askush ndoshta nuk e ka kuptuar sa e vështirë do të jetë kjo,” tha ai. “Por kjo nuk do të thotë që do të heqim dorë.”

Kirby shtoi se po u thotë zyrtarëve izraelitë se ata “nuk besojnë se përshkallëzimi i këtij konflikti ushtarak është në interesin e tyre më të mirë” dhe se nuk do të ndihmonte IDF-në të arrijë objektivin e saj të shpallur për kthimin e izraelitëve në shtëpitë e tyre në veri të vendit, raporton BBC.

Në një intervistë me Fox të dielën, Kirby tha se diplomacia është “mënyra më e mirë për të kthyer familjet atje lart.”