Deputeti i LDK-së, Driton Selmanaj, ka thënë se për çdo muaj 550 kosovarë kërkojnë azil në vendet e BE-së.
Ai ka pyetur se pse po largohen kosovarët, përderisa kryeministri Albin Kurti, thotë se ka zhvillim ekonomik.
“Pse po largohen qytetarët nga Kosova, kur sipas Albin HIBRIDIT edhe pse nën sanksione, Kosova po përjeton një zhvillim të pashembullt ekonomik?!” – ka shkruar ai në Facebook.
Shkrimi i tij:
Çdo muaj, 550 kosovarë kërkojnë azil në vendet e BE-së!
“Nga janari deri në korrik të këtij viti, mesatarisht mbi 550 kosovarë në muaj, kanë kërkuar azil në vendet e Evropës” dhe siç thuhet në raportin e KE-së “kjo shifër është dukshëm më e lartë sesa mesatarja në gjashtë vitet e shkuara”.
Në këtë raport thuhet se “disa vende anëtare kanë raportuar rritje domethënëse të kërkesave të pa bazuara për azil nga qytetarët e Kosovës që nga fillimi i vitit 2024”.
Shtrohet pyetja:
Pse po largohen qytetarët nga Kosova, kur sipas Albin HIBRIDIT edhe pse nën sanksione, Kosova po përjeton një zhvillim të pashembullt ekonomik?!
Të dhënat e institucioneve të Evropës, e demantojnë propagandën perfide të qeverisë.
