Emisari i Gjermanisë për Ballkanin, Manuel Sarrazin, ka thënë se është lajm i mirë që në CEFTA u miratuan me sukses 11 vendime.

Në një postim në platformën “X”, ai ka folur për takimin që u mbajt sot në kuadër të CEFTA-s. Kosova u përfaqësuar nga Rozeta Hajdari, ministre e Industrisë, Tregtisë dhe Ndërmarrësisë.

“Lajm i mirë! Organet në CEFTA sapo vendosën ndryshimin e Rregullores së punës dhe gjithashtu miratuan me sukses 11 vendime. Mezi presim një samit të suksesshëm në Procesin e Berlinit javën e ardhshme”, ka thënë Sarrazin.