Turniri tradicional i futbollit të vogël “Rogana 2024” në Roganë të Kamenices po mbahet edhe këtë vit për herë të tretë radhazi.

Këtë vit ky turnir mbahet prej 7 korrik deri më 28 korrik, e që zakonisht mbahet për rreth 22 ditë lojë të përditshme.

32 ekipe do të luajnë fillimisht në sistemin e fazës së grupeve, aty ku pastaj dy ekipet e para të secilit grup do të kalojnë në raundet me eliminim direkt.

Gjithashtu përveç ekipit fitues, në finalen e turnirit zgjedhen këta fitues:

1. Lojtari më i mirë i Turneut;
2. Portieri më i mirë i Turneut;
3. Top Golashënuesin e Turneut.

Gjatë këtij viti janë zhvilluar punime për rinovim të stadiumit e që kjo sipas shefit të kabinetit të kryetarit të Kamenicës, Vaxhid Rexhepaj ka arritur koston e 103 mijë eurove.

“Investimi ne terenin sportiv është 103 mijë euro dhe është në fazën finale të punimeve dhe kanë mbetur disa detaje te fundit”, theksoi Rexhepaj.

Ndërkaq si përkrahje financiare për organizim të turnirit, Rexhepaj tha se komuna ka dhuruar shumën prej 1 mijë e 700  eurove.

Sipas njoftimit të faqes zyrtare të turnirit ekipi fitues në vitin e kaluar kishte fituar të hollat prej 3 mijë euro ndërsa vendi i dytë me 1 mijë euro.