Prokuroria Speciale e Kosovës ka ngritur aktakuzë në Gjykatën Themelore në Prishtinë ndaj Z.N., një serbi, për krim lufte kundër popullsisë civile.
Hetimet kanë zbuluar se gjatë luftës në Kosovë (1998-1999), Z.N. ka kryer dhunë seksuale ndaj një viktimë shqiptare.
Çështja tani është në Departamentin Special të Gjykatës Themelore në Prishtinë, dhe i pandehuri është në paraburgim deri në një vendim të ri nga gjykata.
“Prishtinë, 26 gusht 2024 – Prokuroria Speciale e Republikës së Kosovës, ka ngritur sot aktakuzë në Gjykatën Themelore në Prishtinë – Departamentin Special, kundër të pandehurit Z.N, i nacionalitetit serb, për shkak të dyshimit se ka kryer veprën penale Krim i luftës kundër popullsisë civile, e sanksionuar me nenin 142 lidhur me nenin 22 të RSFJ-së.
Kjo çështje penale tashmë i ka kaluar në kompetencë Departamentit Special të Gjykatës Themelore në Prishtinë për procedurë të mëtutjeshme. I pandehuri gjendet nën masën e sigurisë – paraburgim, sipas vendimit të Gjyqtarit të procedurës paraprake deri në një vendim të ri nga ana e gjykatës”, thuhet në njoftim..
