Njësiti i Hetimeve të Përgjithshme në Prishtinë në koordinim me Prokurorinë Themelore, po kryen hetime ndaj një kompanie ,,1T Group Sh.p.k/G&G Exclusive” me zyre në Çagllavicë të Graqanicës, nën dyshimin se janë kryer veprat penale: Mashtrim dhe Shmangie nga Tatimi, shkruan TeelegramNews.

Kështu ka njoftuar Policia e Kosovës duke bërë të ditur se këto dy vepra penale dyshohet se janë kryer nga viti 2022 deri në gusht të viti 2024.

Më tej Policia u ka bërë kërkesë qytetarëve që mund të jenë të mashtruar nga kompania në fjalë të paraqiten ne stacionin me te afërt policor.

“Ndonëse kemi disa ankues, është ngritur dyshimi se numri i personave që dyshohet të jenë të mashtruar është më i madh, andaj me autorizim nga prokurori ftojmë të gjithë qytetarët që mund të jenë të mashtruar nga kompania në fjalë të paraqiten ne stacionin me te afërt policor”, thuhet në njoftim.

Derisa theksohet se të gjitha palët e dëmtuara do të kontaktohen nga hetuesit e rastit.