Një person është vrarë sonte në oborrin e një salle dasmash në fshatin Bibaj të Ferizajt.

Zv.drejtori i Policisë së Rajonit të Ferizajt, Qazim Reka, për mediat ka folur në lidhje me vrasjen që ka ndodhur në fshatin Bibaj të Ferizajit.

Ai ka thënë se polici nuk ka qenë në detyrë zyrtare, ka qenë me rroba civile dhe ka kryer veprën me armë zyrtare.

“Polici nuk ka qenë në detyrë zyrtare, ka qenë me rroba civile dhe ka kryer veprën me armë zyrtare, motivi ende nuk dihet se pse ka ndodhur, sepse është ende herët ta dijmë, dhe një gjë që duhet cekur është se dorasi nuk ka qenë pjesë e dasmë, vrasja ka ndodhur jashtë sallës”, ka thënë për media zv.drejtori i Policisë së Rajonit të Ferizajt, Qazim Reka.

Kujtojmë se rasti është konfirmuar edhe nga Policia e Kosovës, dhe tashmë Prokuroria Prokuroria Themelore në Ferizaj, njofton se i dyshuari në këtë rast sipas informatave të para dyshohet se është zyrtar policor dhe i njëjti me vendim të Prokurorit të Shtetit, është ndaluar në kohëzgjatje prej 48-orësh për shkak të dyshimit të veprës penale “Vrasja e rëndë” sipas Kodit Penal të Republikës së Kosovës.