Deputetja e Lidhjes Demokratike të Kosovës, Hykmete Bajrami, ka reaguar pas publikimit të përgjimeve mes deputetes Mimoza Kusari dhe terroristit Milan Radoiçiq.
Në një postim në Facebook, Bajrami thotë se nuk mjaftojnë kërkesat e qytetarëve për llogaridhënie për këtë, por duhet “reagim i organeve të drejtësisë”
“Nuk mjaftojnë kërkesat e qytetarëve për llogaridhënie pse partia në pushtet është koordininuar me Radojçiçin. Duhet reagim i organeve të drejtësisë, të cilat duhet të zbardhin përgjegjësinë penale të zyrtarëve të partisë në pushtet që kanë bërë pazare me kryeterroristin e kryekriminelin Radojçiç”, tha ajo.
Bajrami tha se Kusari-Lila vetëm i ka kryer obligimet e Kurtit.
“Shefja e deputetëve të VV vetëm ka kryer obligimet e partise e të shefit të saj, Albin Kurti”, shtoi deputetja. /TelegramNews/
