Aksioni terrorist i 24 shtatorit të vitit të kaluar në Banjskë të veriut te Kosovës, ka ringjallur kujdesin e mekanizmave të sigurisë vendore dhe të KFOR-it për krijimin e një zone të qetë. Lidhur me rrethanat e krijimit të sigurisë KFOR-i është pajisur me armë moderne dhe adekuate për mbrojtjen e veriut, duke përshtatur armatimin në hap me nevojat.

Aksioni terrorist në Banjskë, është thënë dhe thuhet çdo ditë se mund të përsëritet .
Një fjalor të përditësuar në këtë temë frike e shprehin shumë shpesh Kryeministri Kurti dhe ministrat e kabinetit të tij dhe kjo frikë shpesh sfidohet nga opozita e cila e atakon pushtetin me refleksione reaguese se Qeveria Kurti kur nuk ka me çka merret, zakonisht i kthehet kësaj teme .
Në veriun e Kosovës janë shtuar aksionet e Policisë së Kosovës edhe në ekonomi , konfiskim dhe patrullimi i terrenit.

Janë konfiskuar pronat e Millan Radojçiqit dhe së fundmi këto ditë janë vënë në sistem të privatizimit pronat shoqërore , nën menagjimin e AKP-së.
Policia e Kosovës është në bastisje të përditshme konform informacioneve dhe gjendjes që zhvillohet atje dhe aksioni i fundit në një shtëpi të pabanuar zbuloi dhjetëra uniforma të policisë së Serbisë dhe të Kosovës.