Presidentja e Kosovës, Vjosa Osmani, ka treguar se me rastin e takimit lamtumirës me ambasadorin amerikan, Jeffrey Hovenier, i ka dhuruar këtij të fundt një gur të Trepçës.

Presidentja thotë se guri simbolizon tokën e lirë, të pavarur dhe të pandashme të Kosovës.

Tutje Osmani shkruan se dhurimi i një guri të Trepçës është edhe vazhdimësi e trashëgimisë së presidentit Ibrahim Rugova që edhe ka vendosur themelet e forta të shtetit të Kosovës dhe miqësisë së qëndrueshme me SHBA-në.

“Ai gjithashtu përfaqëson vazhdimësinë e trashëgimisë së Presidentit Rugova, i cili hodhi themelet e forta të shtetësisë së Kosovës dhe miqësisë së qëndrueshme me SHBA-në”, ka shkruar Osmani.