Prokuroria Speciale ka ngritur sot aktakuzë në Gjykatën Themelore të Prishtinës ndaj dy personave zyrtar të Qeverisë së Kosovës për keqpërdorim të pozitës.

Në komunikatën e Prokurorisë thuhet se ndaj V.K dhe E.Sh t’u shqiptohet ndalimi i ushtrimit të punës në administratën publike.

Komunikata e plotë:

Prokuroria Speciale e Republikës së Kosovës, ka ngritur sot aktakuzë në Gjykatën Themelore në Prishtinë – Departamentin Special, kundër dy personave zyrtarë, V.K. dhe E.Sh. ish zyrtarë të lartë të Qeverisë së Kosovës, për veprën penale: Keqpërdorimi i pozitës apo autoritetit zyrtar, nga neni 414 i Kodit nr. 06/L-074 Penal të Republikës së Kosovës (KPRK).
Në mbështetje të nenit 62 të Kodit penal, PSRK ka propozuar që krahas dënimit kryesor, të pandehurve t’u shqiptohet edhe dënimi plotësues: Ndalimi i ushtrimit të funksioneve në administratën publike ose në shërbimin publik. /TelegramNews/