Ministria e Kulturës, Rinisë, dhe Sportit në bashkëpunim me Komunën e Podujevës kanë nënshkruar marrëveshje për ndërtimin e pishinës gjysmë-olimpike në Podujevë.

Sipas njoftimit, MKRS-ja ka marrë përsipër sigurimin e mjeteve financiare prej 3 milionë e 500 mijë euro nga vlera e parashikuar e kontratës prej 4 milionë euro.

Teksa ajo e  Podujevës ka marr përsipër sigurimin e mjeteve financiare prej 500 mijë euro.

“Ndërsa Komuna e Podujevës merr përsipër sigurimin e mjeteve financiare prej 500 mijë euro, sigurimin e projektit, sigurimin e të gjitha lejeve të zbatueshme për zbatimin e projektit, sigurimin e dokumentacionit të nevojshëm ligjor, financiar dhe teknik, si dhe vëzhgimin e zbatimit të kontratës në baza të rregullta periodike”, thuhet në njoftim.

Projekti parashihet të përfundojë brenda periudhës tre vjeçare.