Drejtoria Komunale e Arsimit në Gjilan ka publikuar rezultatet e pikëve për përzgjedhjen e kandidatëve të cilët kanë aplikuar për pozitat e punës: Mësimdhënës klasor, Edukatore, Lëndë mjekësore, Gjuhë angleze, Gjuhë shqipe, Kimi, Matematikë, Lëndë muzikore, Piano, Gjeografi, Histori.

Telegram News ka siguruar listën e rezultateve në konkursin e fundit të komunës që drejtohet nga Lëvizja Vetëvendosje.

Në listën e kandidatëve, me pikët e rezultatit  në mesin e pesshës së parë prin  gruaja e vëllaut  të kryetarit të komunës së Gjilanit Alban Hysenit,  Valdrina Iseni e cila ka fituar 52 pikë ku ka aplikuar për pozitën e edukatores.

Punësimet e familjarëve të njerëzve në pushtet, nuk ndalen me këtu.

Telegram News mëson se tashmë punën e edukatorës  sipas pikëve të marra  potencialisht do ta ushtrojë edhe Mimoza Alidema, motra e gruas së deputetit të  Vetëvendosjes nga Gjilani, Luan Aliut.

Telegram News, në lidhje me këtë listë  ka kontaktuar me Drejtorinë e Arsimit në Gjilan, por që deri në publikimin e këtij artikulli nuk ka marr përgjigjje./ Telegram News/ BesartaKalaja.