Kryetari i Kuvendit të Kosovës Glauk Konjufca, ka qortuar BE-së për mos transparencë rreth asociacionit duke i ngatërruar gjërat se kush duhet themeluar asociacionin dhe vonesat në dërgimin e tij në kushtetuese.
Duke i përfolur gjërat nga prizmi i grabitjes së kompetencave për asociacionin nga BE, Konjufca thotë se BE mundet vetëm të thotë se “jeni vonuar në dërgimin e asociacionit, por jo ta grabit të drejtën e Kosovës për ta bërë asociacionin”.
“Nuk mundet në vend të Kosovës ta marrë kompetencë Bashkimi Evropian. Kjo i bie që BE e grabit një kompetencë të Kosovës. Sipas marrëveshjeve të deritashme Kosova ka këtë drejtë për të paraqitur asociacionin. BE mundet të na thotë jeni vonuar dhe ne mund të themi se a ka pasur afat kohor te caktuar. Ndoshta ne mund të pranojmë kritikën e vonesën, por nuk do të thotë t’ia marrim kompetencën”, ka thënë Konjufca për /EO
Konjufca e sheh diskriminuese qasjen e BE-së për detyrim të dërgimit të asociacionit në Gjykatën Kushtetuese.
“Jam i gatshëm ta lë karrigen dhe të dalë në rrugë për ta ndalur krijimin e Asociacionit mono-etnik dhe me kompetenca ekzekutive.
Unë nëse nuk jam në këtë karrige, jam në rrugë për me ndalë këtë punë”, ka thënë Glauk Konjufca
Transformimi i Konjufcës “nga kurrë” në asociacionin që “duhet ta bëjë Kosova”.
Kryetari Konjufca më 2023, për Zërin e Amerikës thoshte se kërkesa perëndimore për ngritjen e asociacionit nuk do të plotësohet, nëse nuk bën trysni bashkësia ndërkombëtare ndaj Serbisë për hapat drejt njohjes së Kosovës. Në një intervistë për Zërin e Amerikës, zoti Konjufca tha se nëse presioni vazhdon vetëm mbi Kosovën dhe Perëndimi nuk e bind dot Serbinë të nënshkruajë Marrëveshjen e Ohrit, ai nuk beson se këto përpjekje do të prodhojnë rezultate së paku në periudhën afat-mesme të proceseve politike në Kosovë.
Kryetari Konjufca pra siç shihet , e degradon qëndrimin e vet nga premtimet se kurrë nuk do ta bëjë LVV asociacionin , duke dalë te një qëndrim tjetër ku kërkon që Serbia të detyrohet ta pranojë aneksin e Ohrit.
“ Nëse koncepti i vetëmenaxhimit nuk ndërtohet në një marrëveshje siç ishte ajo e Ohrit, që të jetë me njohjen e Kosovës, atëherë Kosova nuk ka kurrfarë obligimi që të bëjë hapa në drejtim të asociacionit.
Sot, shefi i Grupit Parlamentar të Partisë Demokratike të Kosovës, Abelard Tahiri, i ka quajtur joserioze deklaratat e kryetarit të Kuvendit, Glauk Konjufca, në lidhje me Bashkimin Evropian dhe draft-statutin e Asociacionit.
Ai tha se Konjufca por edhe Kurti para 1 viti e kanë pranuar draftin e Asociacionin të BE-së, ndërsa tash po e kritikojnë të njëjtin.
Krahas kësaj, Tahiri adresoi kritika ndaj shumicës parlamentare, të cilët sipas tij, kanë humbur shumicën parlamentar./Telegram News
