Përfaqësuesja e Kosovës U21 ka bërë një përparim të rëndësishëm në renditjen e UEFA-së.

Tani Dardanët e udhëhequr nga përzgjedhësi Afrim Tovërlani janë ngjitur në vendin e 33-të në ranglistën e UEFA-së.

Kjo ngritje e konsiderueshme vjen si rezultat i paraqitjeve të mira gjatë ciklit aktual të kualifikimeve për Kampionatin Evropian.

Ky përparim në renditjen e UEFA-së do të thotë që Kosova do të kalojë nga vazoja e pestë në vazon e katërt në shortin për kualifikimet e ardhshme evropiane.

Përveç kësaj, ky është një hap i rëndësishëm për Kosovën U21, e cila tani do të ketë mundësi më të mira për kualifikimet e ardhshme.