Deputeti Shaip Kamberi, i vetëm shqiptar në Parlamentin e Serbisë, ka folur për protestën e sotme në Preshevë kundër shtypjes dhe diskriminimit të shqiptarëve nga autoritetet serbe.

Kamberi theksoi se qëllimi i protestës është që Beogradi të zbatojë marrëveshjet e mëparshme që vetë i ka nënshkruar.

Ai gjithashtu kritikoi dështimin e implementimit të një plani aksionar për integrimin e shqiptarëve të Luginës, të hartuar me OSBE-në dhe të cilin e kërkoi në vitin 2022.

Protesta synon të përdorë presionin qytetar për të shtyrë Beogradin të përmbushë detyrimet e tij dhe për të adresuar çështjet e pasivizimit të adresave dhe mosnjohjes së diplomave të shqiptarëve.