Një i ri nuk i ka mbijetuar plagëve me armë zjarri dhe në spital është konstatuar vdekja e tij, pas incidentit të përgjakshëm në Rrugën e Plastikave në Shkup.
Në incidentin e rëndë kanë mbetur të plagosur edhe tre persona të tjerë, disa prej tyre më lehtë, raporton portali Alfax.
Ministria e Brendshme akoma nuk ka dalë me njoftim zyrtar rreth incidentit.
Sipas informacioneve të para që ka arritur të siguroj Klan Maqedoni, në këtë përleshje me armë ka vdekur blogeri i njohur dhe këngëtari Amar Ismani.“Në ora 23:45 më spitalin e qytetit në Shkup ‘Sh.Naum Ohridski’ është sjellë qytetari i plagosur T.A (24-vjeçar) nga Shkupi. Disa minuta më vonë në kompleksin e klinikave ‘Nënë Tereza’ të plagosur janë dërguar dy persona, O.B (19- vjeçar) dhe A.I (29-vjeçar), që të dy nga Shkupi. Disa minuta pas dhënies së ndihmës së parë, A.I ka ndërruar jetë” thonë nga MPB.
