Deputeti i PDK-së, Enver Hoxhaj ka folur për punën e Donika Gërvallës si ministre e Punëve të Jashtme.
Ai ka thënë se Gërvalla është simbol klasik i dështimit në ministrinë e Punëve të Jashtme, duke mos i sjell Kosovës njohje dhe duke dështuar në pranimin në Këshillin e Evropës.
“Nëse ka pasur ndonjë ministre të jashtme që është simbol klasik i dështimit, me zero njohje, me zero anëtarësim në ndonjë organizatë ndërkombëtare, me dështim për t’u bërë anëtare e Këshillit të Evropës, me një situatë që në vend se Kosova të mbetet partnerë për amerikanët dhe evropianët, sot Kosova është problem, ndërsa Serbia është shndërruar në partnere”, ka thënë Hoxhaj për Paparacin.
“Politika e jashtme është një prej dështimeve më të mëdha të kësaj qeverie, Gërvalla ka qenë njeriu më i gabuar në postin më të gabuar”, ka shtuar ai.
