Ministrja e Drejtësisë, Albulena Haxhiu, ka kërkuar homologes së saj serbe transferimin e shtetasve të Kosovës nga paraburgimet në Serbi përmes një letre javën e kaluar.

Ajo e quan mosbashkëpunimin juridik me Serbinë një sfidë për Republikën e Kosovës, duke e vlerësuar situatën si politike dhe e padrejtë.

Haxhiu gjithashtu ka ngritur këtë çështje me partnerët ndërkombëtarë, duke shprehur nevojën për transferimin e shtetasve të Kosovës në vendin e tyre për t’u ballafaquar me sistemin e drejtësisë. Ajo ka përmendur se shqiptarët janë arrestuar në Serbi me pretendime për krime lufte dhe ka kërkuar që ata të transferohen në Kosovë për t’u trajtuar sipas ligjit kosovar.

Ministrja gjithashtu ka pohuar se ende nuk është marrë një përgjigje nga Serbia në lidhje me këtë kërkesë.