Kryetari i AAK-së, Ramush Haradinaj, ka vlerësuar 28 Nëntorin si një datë të shenjtë dhe të rëndësishme për shqiptarët.
Haradinaj përmes një postimi në Facebook e cilësoi 28 Nëntorin si kryefestë kombëtare që nga viti 1443 e deri më 1912, kur Shqipëria shpalli pavarësinë, dhe më pas në vitin 1997, kur u bë dalja publike e Ushtrisë Çlirimtare të Kosovës.
Haradinaj theksoi se kjo datë përkujton aktin sublim që i dha jetë shtetit shqiptar dhe është një moment për të nderuar patriotët shqiptarë.
“Sot, në pritjen solemne të organizuar nga ambasadori Malaj, përkujtuam aktin sublim që i dha jetë shtetit shqiptar.
Në këtë datë të shenjtë për kombin tonë, nderojmë gjithe patriotët shqiptarë ndër shekuj, duke filluar nga Skenderbeu e për të vazhduar tek ati i shpalljes së pavarësisë, Ismajl Qemali dhe çdo patriot kontributdhënës i kombit shqiptar”, theksoi ai.
