Kryeministri bullgar Dimitar Glavcev pranoi presionin nga Serbia përpara votimit të OKB-së mbi rezolutën mbi genocidin në Srebrenicë. Kjo ndodhi në përgjigje të një pyetjeje të deputetes nga PP-DB Kristina Petkova, shkruan “Bulevardi Bullgaria”.
Ajo pyet nëse qëndrimi i Bullgarisë, si bashkëautore, për të votuar në favor të rezolutës që shpall 11 korrikun një Ditë Ndërkombëtare të Përkujtimit për viktimat e gjenocidit të Srebrenicës është përfundimtar dhe nëse ka pasur përpjekje nga përfaqësuesit e Serbisë dhe Rusisë për të ndikuar vendin për të ndryshuar qëndrimin e tij dhe për të kundërshtuar vendimin.
Dokumenti u zbulua disa ditë më vonë dhe përgjigja e Glavçevit në faqen e internetit të Asamblesë Kombëtare është e datës 3 qershor.
Në të, ai konfirmoi se më 23 prill të këtij viti, ambasadori serb në Sofje Zheljko Joviç bëri një démarsh në Ministrinë e Punëve të Jashtme dhe i kërkoi Bullgarisë të kundërshtojë paraqitjen e rezolutës, per 11 korrikun një Ditë Ndërkombëtare të Përkujtimit për Viktimat e genocidit të Srebrenicës në vitin 1995.
“Në procesin e paraqitjes së rezolutës deri në miratimin e saj më 23 maj të këtij viti, Republika e Serbisë, e mbështetur nga Federata Ruse, udhëhoqi një fushatë në shkallë të gjerë dhe agresive kundër rezolutës”, tha Glavçev, duke shpjeguar se ambasadori serb i kishte paraqitur qëndrimin, pa specifikuar se çfarë ishte.
Nw tekstin e pwrgjigjes sw kryeministrit thuhet se “dinamika në zbatimin e shërbimit diplomatik dhe formimin e një pozicioni është e lidhur me shumë opsione “pune” që po evoluojnë vazhdimisht në procesin e formimit të një pozicioni kombëtar të vendit tonë.”
“Qëndrimi zyrtar është i rëndësishëm dhe vjen pas opinioneve të ekspertëve nga njësitë strukturore përkatëse të Ministrisë së Punëve të Jashtme, të cilat përfshijnë kanale të ndryshme komunikimi,” tha Glavçev.
Prandaj, “udhëzimet” e rrjedhura ishin vetëm pjesë e procesit të marrjes së vendimeve dhe kablloja e shpërndarë nuk përmbante udhëzimet përfundimtare për përfaqësuesin e përhershëm të vendit në Kombet e Bashkuara.
Asambleja Kombëtare duhej të dëgjonte Glavçev gojarisht në seancë plenare për të njëjtën temë, por GERB, DPS, BSP dhe “Vazrazhdane” dështuan sesionin e jashtëzakonshëm të kërkuar nga PP-DB dhe planifikuar nga Rositsa Kirova (GERB), e cila kryesoi parlamentin, vetëm për ditën e pushimit./Telegram
