Europa po përballet me një valë të nxehtë, e cila është më e ndjeshme në rajonin e Mesdheut.
Sipas meteorologes Geraldine Zollinger nga Meteo News, vendet si Spanja, Italia, Greqia, Franca dhe Kroacia po përballen me temperaturat më të larta të regjistruara deri më tani, që mund të shkojnë deri në 43 gradë Celsius.
Spanja, përfshirë Gadishullin Iberik, është një destinacion i popullarizuar për turistët. “Temperaturat pritet të qëndrojnë midis 30 dhe 40 gradë Celsius deri në fund të javës”, tha Zollinger. Dielli do të mbetet shumë aktiv, veçanërisht në jug. Në Mesdheun verior, pritet që moti të ftohet pak në fillim të javës së ardhshme për shkak të një uljeje në sistemin e presionit të lartë.
Spanja ka vazhduar të vuajë nga temperaturat e larta që nga fillimi i vitit, duke shënuar janarin më të ngrohtë që nga fillimi i regjistrimeve në vitin 1961. Disa rajone të vendit kanë përballur temperaturat e larta që shkojnë në pothuajse 30 gradë Celsius.
