Mbështetësit e opozitës do të mbajnë ditën e sotme protestën e radhës përpara Bashkisë së Tiranës, ku kërkojnë dorëheqjen e kryetarit Erion Veliaj.

Për shkak të këtij zhvillimi ditën e sotme, në orën 11:00, përpara Bashkisë do të ketë bllokime të disa segmenteve rrugore, si dhe bllokime të pjesshme të disa segmenteve të tjera në varësi të lëvizjes së tubuesve.

“Njoftojmë qytetarët se sot, prej orës 11:00 e deri në përfundim, do të ketë bllokim të përkohshëm të qarkullimit të mjeteve, në bulevardin kryesor pranë Bashkisë së Tiranës”, thuhet në njoftim.

Policia apelon për të gjithë qytetarët që të shmangin lëvizjen në këto akse rrugore dhe të përdorin rrugë alternative, deri në përfundim të tubimit, si Unaza e Mesme dhe Unaza e Madhe.