Nuk është vetëm Marine Lepen rryma politike e ekstremit të djathtë që po bën ndryshime në Francë, ndërkohë që raundin e parë të zgjedhjeve e ka fituar bindshëm dhe po pret fitore edhe në raundin e dytë këto ditë.

Rryma e ekstremit të djathtë, paraqet rrezik për BE-në, për faktin se liderët e saj që kanë ekzistuar dhe ata që po organizohen t’i bashkëngjiten Lepen dhe Orban, janë frymë ruse e Putinit.

Rreziku i dytë siç e sheh BE-ja me liderët aktualë, është distanca e tyre me SHBA-të gjë që paraqet rrezik për bllokun euroatlantik në të ardhmen e sigurisë.

Por, cilat janë lëvizjet  ideologjike dhe politike të kësaj rryme  që aktualisht po përgatiten të fitojnë në  terrenin e BE-së ?

Kryeministri  hungarez Viktor Orban, me të marr drejtimin e BE-së, ka vizituar Rusinë  duke e takuar Presidentin rus Vlladimir me kabinetin e politikës së Jashtme Lavrov. Pak ditë pasi Hungaria mori drejtimin e BE-së, sipas rrotacionit për gjashtë muaj, Orban tha se “ai nuk parqet asgjë me vizitën e tij në Rusi dhe shkuarja e tij ndërlidhej me iniciativën për arritjen e marrëveshjes për një paqe mes Rusisë dhe Ukrainës, por  projekti i Orban për  këtë kusht është i njohur dhe ai thotë se Ukraina, duhet të bëjë koncesione duke hequr dorë nga  territoret e pushtuara ruse.

Përtej kësaj, Spanja po përfshihet nga një lëvizje e re e pro kësaj politike duke paralajmëruar bashkim me partinë “Aleanca e Re” e Orbanit .

Kryeministri hungarez Viktor Orban, po përgatitet të formojë një parti të rrymës ekstrem në Evropë duke aktivizuar politikat e kësaj natyre në gjithë shtetet e BE-së, të cilat veç janë duke iu përgjigjur pozitivisht.

Ekspertët largpamës të ndryshimeve, po e shohin këtë nismë si ndryshim të BE-së së ardhme, një çasje të përmbysjes së  burokracisë së instaluar në krye të BE-së.

I vetmi lider evropian  që është bërë këto ditë i zëshëm kundër kësaj rryme politike është presidenti francez Makron, i cili ka bërë thirrje për mobilizim të politikave më liberale për të qëndruar kjo BE në fronin akutual me kapacitete ekonomike dhe ambicje të zgjerimit edhe me vendet e Ballkanit Perëndimor.

Iniciativa e Orban, tashmë po i kalon kufinjtë e Hungarisë duke u zgjeruar edhe në Spanjë e Itali, drejt  formimit të një partie të re në nivel evropian me emrin “Patriotët për Evropën”, iniciativë që po mbështetet edhe në Itali me partinë “Vëllezërit e Italisë së Melonit”.

Lëvizje të shumta tashmë kanë ndodhur dhe po presin të ndodhin si në Sllovaki dhe sipas trendit, në Evropë po lind një  lëvizje e re që politike, nga e cila do të determinohet kualiteti i BE-së./S.Krivaqa