Kandidati për Kryeministër i PDK-së, Bedri Hamza, ka pasur një tubim me qytetarët e Mitrovicës, ku është edhe kryetar i saj.

Në këtë takim atij i është bashkuar edhe djali i ish-kryetarit të PDK-së, Kadri Veseli, Klestori.

Hamza ka thënë se vite më parë u bashkuan që ta bëjnë Mitrovicën më të mirë, që t’ia rikthejnë atë qytetarëve dhe t’ia rikthejmë Mitrovicës identitetin e kampionit të shumëfishtë, në sport, në kulturë, në realizimin e projekteve, ndërsa tash po bashkohen për Kosovën.

“Mitrovica nuk i bashkon vetëm zemrat tona, por na bashkoi edhe neve. Sonte ishim aq shumë, saqë as salla nuk na zuri. Vite më parë u bashkuam që ta bëjmë Mitrovicën më të mirë. U bashkuam që Mitrovicën t’ia rikthejmë qytetarëve dhe t’ia rikthejmë asaj identitetin e kampionit të shumëfishtë, në sport, në kulturë, në realizimin e projekteve. E bëmë. Tash po bashkohemi për Kosovën!
Ju falënderoj të gjithëve për përkrahjen e madhe! Gjithmonë në shërbim të qytetarëve! Gjithmonë me ty, MITROVICË! ”, ka shkruar Hamza.