Një gol i bukur në pjesën e parë nga Diego Gomez e ndihmoi Paraguajin të regjistronte vetëm fitoren e dytë të Kualifikimeve të Kupës së Botës FIFA 2026 pas një fitoreje të mrekullueshme ndaj Brazilit në “Estadio Defensores del Chaco”.
Ishte Brazili skuadra që e dominoi krejtësisht ballafaqimin, megjithatë, ishte mesfushori i Paraguajit, Gomez ai që befasoi pesë herë fituesit e Kupës së Botës në minutën e 20-të, teksa manovroi topin me mjeshtëri përpara se të bënte një goditje mahnitëse, me ndihmën e lehtë të shtyllës për ta tundur rrjetën e portierit Alisson .
Në grupin me 10 skuadra ameriko-latine, Brazili ka 10 pikë në vendin e pestë, ndërsa lider i grupit është Argjentina me 18 pikë. Nga ky grup kualifikohen gjashtë skuadrat e para në Kampionatin Botëror.
