Prokuroria Speciale e Republikës së Kosovës (PSRK) ka ngritur aktakuzë kundër kriminelit Milan Radoiçiqit dhe 44 personave të tjerë për sulmin terrorist të ndodhur më 24 shtator 2023 në Banjskë të Zveçanit.

Deputeti i LVV-së, Dimal Basha, aktakuzën e ngritur ndaj 45 personave nga Prokuroria Speciale lidhur me sulmin e armatosur në Banjskë, e ka quajtur të vonuar, kështu u shpreh në Tëvë1 në emision Ditari.

” Jo vetëm ne po të gjithë qytetarët kanë qenë të pakënaqur me vonesën e aktakuzës,  dhe është dashur të përgaditet më shpejtë, pasi që dëshmitë kanë qenë të gatshme, unë jam antar i komisionit për siguri dhe kam pasur imformacionet e plota për njerëzit që kanë marr pjesë, për financimin që e kanë bo për ushtrimet ku i kanë bo, po besoj që ka pasur mjaftushëm material për me bo aktakuzën shumë më herët, nuk besoj se është dashur një vit për Radoiçiqin ku të gjithë vet e kanë pranuar se kanë qenë të përfshirë” u shpreh Basha.