Shefi i diplomacisë amerikane Antony Blinken foli për tensione në rritje në Liban pas sulmeve izraelite.

Ai deklaroi se mënyra më e mirë që njerëzit të kthehen në shtëpitë e tyre në jug të Libanit dhe Izraelit verior nuk është lufta, por diplomacia, transmeton Telegram News.

“Ne aktualisht jemi të përqendruar në sigurimin që lufta të mos ndodhë në shkallë të plotë”, tha Blinken.

Ai gjithashtu tha se ekziston një marrëveshje armëpushimi midis Hamasit dhe Izraelit, megjithëse Hamas nuk është përfshirë në negociata javët e fundit.

“Ende duhen vendime të vështira nga Izraeli, por është mënyra më e mirë për të ndaluar atë që po ndodh në Gaza, për të nxjerrë pengjet,” shtoi ai. /TelegramNews/