Një anije luftarake e SHBA-së dhe një e Kanadasë kanë lundruar së bashku në ngushticën e Tajvanit, pas një raundi lojërash luftarake nga Kina rreth ishullit.

Marina amerikane, e shoqëruar nga anije aleate, kalon nga ngushtica rreth një herë në muaj. Kina e konsideron këtë rrugë si territor të saj.

Sipas Flotës së 7-të të Marinës amerikane, USS Higgins dhe fregata kanadeze HMCS Vancouver kanë lundruar në ujëra ku respektohet liria e lundrimit sipas ligjit ndërkombëtar. Marina amerikane theksoi se të drejtat e lundrimit në ngushticën e Tajvanit nuk duhet të kufizohen dhe se SHBA-ja hedh poshtë çdo pretendim të sovranitetit që shkel këto liri.

Nga ana tjetër, Komanda e Teatrit Lindor të Kinës deklaroi se ka monitoruar anijet dhe i ka paralajmëruar ato, duke thënë se veprimet e SHBA-së dhe Kanadasë prishin paqen dhe stabilitetin në rajon. Ministria e Mbrojtjes e Tajvanit konfirmoi se situata ishte “normale”. Ky ishte një mision i përbashkët i tillë i lundrimit për herë të fundit që nga nëntori i vitit të kaluar.