Policia e Kosovës ka njoftuar se afro 20 qytetarë kanë marrë ndihmë mjekësore, pasi dyshohet se u helmuan nga produktet e një furre në Prishtinë.

Sipas njoftimit, me vendim të inspektorëve sanitarë furra është mbyllur, shkruan TelegramNews.

“Rreth 20 qytetarë kanë kërkuar ndihmë mjekësor pasi të njëjtit dyshojnë se janë helmuar nga produktet e një furre. Njësia policore ka intervistuar pronarin e furrës si dhe me vendim të inspektorëve sanitarë furra është mbyllur deri në daljen e analizave. Në konsultim me prokurorin është iniciuar rasti dhe në ditët në vijim do të intervistohen ankuesit”, thuhet tutje.