Kryetari i Lidhjes Demokratike të Kosovës, Lumir Abdixhiku  ka nisur fjalimin e tij në Kuvendin e Kosovës  me kritika ndaj Qeverisë Kurti, shkruan TelegramNews.

Abdixhiku tha se akuzat  e tradhëtisë e Serbisë janë veçse gjuhë e rëndomtë sikurse edhe ndjenja e thellë të izolimit  ndërkombëtarë, ku siç tha ai, ndonëse të vetëm mbesim megjithatë krenar.

“Ta kuptoni mirë qytetarë të Republikës, këto janë pasoja serioze të kësaj politike popullsite, kjo politikë nuk shpie askund përveç në favorizimin e kundërshtarëve tonë historik e rrezikimin e shtetësisë tonë ende të pakonsuliduar mirë. Ta kuptoni mirë se përtej fitoreve të vogla momentale për pak vota, qëndrojnë humbje të mëdha të vet shtetit e vet Republikës. Natyrisht që popullizmi nuk e kupton këtë brengë, përkundrazi popullistët kanë nevojë për polarizim të mëtutjeshëm”, tha Abdixhiku./TelegramNews./