Kryetari i LDK-së, Lumir Abdixhiku, tha se reflektimin euroatlantik Kosova po e përjeton edhe tash, 25 vjet pas çlirimit.
Kështu deklaroi Abdixhiku në konferencën ndërkombëtare “Rugova dhe Perëndimi”, ku ndër tjerash theksoi se 25 vite më parë liria erdh si triumf prej testamenti i përpjekjes së gjeneratave të tëra.
“25 vite më parë ne gjetëm lirinë. Ajo na erdh si triumf prej testamenti i përpjekjes së gjeneratave të tëra; erdh si dritë e fundme e paqësorëve të 90-tave, besimi i të cilëve s‘reshturi së pushuari kurrë; erdh si altar përjetësie ku pushojnë djemtë e vajzat çlirimtare të Kosovës; erdhi si fitore e angazhimit monumental euroatlantik, që në qiellin sipër nesh na shfaqej nëpërmjet fluturakeve të NATO-s. Na vinin nëpërmjet zërave të Bill Clinton, Tony Blair, Javier Solana, Wesley Clark, Madeline Albright, Jamie Shea, Joshka Fisher, Massimo D’Alema, e përplot liderë e akterë tjerë botëror, që në orët më të rënda tona u gjind krah nesh. Prandaj jemi mirënjohës përherë. Prandaj u jemi falënderues gjithherë! Liria erdh siç e kishim besuar të gjithë”, tha i pari i LDK-së.
Ndryshe në këtë konferencë i pranishëm është edhe kryeministri i Shqipërisë, Edi Rama.