Zëvendëssekretari i Shtetit amerikan për Menaxhim dhe Burime, Richard Verma do të vizitojnë Shqipërinë, Kosovën dhe Serbinë nga 7 deri me 11 janar.
Zbatimi i marrëveshjeve të Brukselit dhe normalizimi i marrëdhënieve mes Kosovës dhe Serbisë do të jenë temë diskutimi gjatë vizitës së tij, ka njoftuar Departamenti i Shtetit.
“Në Kosovë, ai do të diskutojë për normalizimin e marrëdhënieve të Kosovës me Serbinë përmes dialogut të lehtësuar nga BE-ja, forcimin e qeverisjes dhe sundimit të ligjit, si dhe nxitjen e rritjes ekonomike dhe sigurisë energjetike për të mirën e të gjithë kosovarëve. Ai gjithashtu do të falënderojë Qeverinë e Kosovës për mbështetjen e fuqishme për Ukrainën dhe për ndihmën e saj për afganët në nevojë”, thuhet në njoftimin e DASH-it.
Ai gjithashtu do të riafirmojë përkushtimin e Shteteve të Bashkuara ndaj vendeve të Ballkanit Perëndimor, ndërsa ato ndjekin integrimin euroatlantik dhe bashkëpunimin më të thellë rajonal.
