Gruaja britanike e presidentit të rrëzuar të Sirisë, Bashar al-Assad, Asma al-Assad, ka bërë kërkesë për divorc pasi shprehu pakënaqësinë me jetën e saj në Moskë.
Kështu së paku raportojnë media të huaja, sipas të cilave, ajo kërkon të transferohet në Londër.
Siç theksohet më tej, Asma aplikoi në gjykatën ruse dhe kërkoi leje speciale për t’u larguar nga Moska.
Aplikimi i saj thuhet se aktualisht po vlerësohet nga autoritetet ruse.
Asma është një shtetase e dyfishtë britaniko-siriane e cila ka lindur dhe është rritur në Londër nga prindër sirianë, raportoi BBC.
Asma u transferua në Siri në vitin 2000 dhe u martua me Assadin në të njëjtin vit në moshën 25-vjeçare.
Edhe pse kërkesa e tij për azil u pranua, Bashar al-Assad thuhet se është ende subjekt i kufizimeve të rënda.
Ai nuk lejohet të largohet nga Moska ose të përfshihet në ndonjë aktivitet politik.
Siç theksohet më tej, autoritetet ruse kanë ngrirë gjithashtu asetet dhe paratë e tij.
Vëllait të Bashar al-Assad, Maher al-Assad, nuk i është dhënë azil në Rusi dhe kërkesa e tij është ende në shqyrtim, sipas raporteve saudite dhe turke.
Assad, përkatësisht pushteti i tij u rrëzua në fillim të dhjetorit gjatë një ofensive nga forcat rebele të udhëhequra nga Hay’at Tahrir al-Sham (HTS).
Edhe pse HTS është një organizatë terroriste e regjistruar nga Shtetet e Bashkuara, SHBA ka vendosur të heqë shpërblimin prej 10 milionë dollarësh për kokën e udhëheqësit të HTS, Abu Mohammad al-Julani.
Regjimi Baath ishte në pushtet për 61 vjet përpara se Assad të rrëzohej këtë muaj.
